شاعر: جون ایلیا
ٹھیک ہے خود کو ہم بدلتے ہیں
شکریہ مشورت کا چلتے ہیں
ہو رہا ہوں میں کس طرح برباد
دیکھنے والے ہاتھ ملتے ہیں
ہے وہ جان اب ہر ایک محفل کی
ہم بھی اب گھر سے کم نکلتے ہیں
کیا تکلف کریں یہ کہنے میں
جو بھی خوش ہے ہم اس سے جلتے ہیں
ہے اسے دور کا سفر در پیش
ہم سنبھالے نہیں سنبھلتے ہیں
تم بنو رنگ تم بنو خوشبو
ہم تو اپنے سخن میں ڈھلتے ہیں
میں اسی طرح تو بہلتا ہوں
اور سب جس طرح بہلتے ہیں
ہے عجب فیصلے کا صحرا بھی
چل نہ پڑیے تو پاؤں جلتے ہیں
Thik Hai Khud Ko Hum Badalte Hain
shukriya mashwarat ka chalte hain

ho raha hun main kis tarah barbaad
dekhne wale hath malte hain

hai wo jaan ab har ek mahfil ki
hum bhi ab ghar se kam nikalte hain

kya takalluf karen ye kahne mein
jo bhi khush hai hum us se jalte hain

hai use dur ka safar dar-pesh
hum sambhaale nahin sambhalte hain

tum bano rang tum bano khushbu
hum to apne sukhan mein dhalte hain 

main usi tarah to bahalta hun
aur sab jis tarah bahalte hain 

hai ajab faisle ka sahra bhi
chal na padiye to panw jalte hain
 
Share this with your friends