Teri Har Baat Mohabbat Main Gawara Kar Ke

Ghazal
Teri Har Baat Mohabbat Main Gawara Kar Ke
Dil ke bazaar mein baithe hain khasara kar ke

Atay jatay hain kai rang mere chehre par
Log letay hain maza zikr tumhaara kar ke

Ek chingari nazar aai thi basti mein usay
Wo alag hat gaya aandhi ko ishaara kar ke

Aasmanon ki taraf phenk diya hai main ne
Chand matti ke charaghon ko sitara kar ke

Main wo daryaa hun keh har bund bhanwar hai jis ki
Tum ne achchha hi kiya mujh se kinara kar ke

Muntazir hun keh sitaron ki zara aankh lage
Chand ko chhat pur bula lunga ishaara kar ke