Sitaron Se Bhara Yeh Aasman Kaisa Lagay Ga

Sitaron Se Bhara Yeh Aasman Kaisa Lagay Ga
Hamare bad tum ko yeh jahaan kaisa lagay ga

Thakhy hary howay suraj ki bheegi roshni mein
Hawaon se ulajtha badbaan kaisa lagay ga

Jamay qadmon ke niche se phesalti jaye gi rait
Bikher jaye gi jab umer rawan kaisa lagay ga

Asi mitti mein mil jaye gi ponji umer bhar ki
Giray gi jis ghari deewar jaan kaisa lagay ga

Bahot utra rahe ho dil ki bazi jeetne per
Ziyaan bad az ziyaan bad az ziyaan kaisa lagay ga

Wo jis ke bad hogi musalsal be niazi
Ghari bhar ka wo shoro fughan kaisa lagay ga

Sitaroon se bhara yeh aasman kaisa lagay ga
Hamare bad tum ko ye jahaan kaisa lagay ga

Sitaron se bhara yeh aasman kaisa lagay ga
Hamare bad tum ko yeh jahaan kaisa lagay ga