Dua Ka Toota Howa Harf Sard Aah Mein Hai

Dua Ka Toota Howa Harf Sard Aah Mein Hai
Teri judai ka manzar bahi nigah mein hai

Tere badalne ki ba wasf tujh ko chaha hai
Yeh iteraf bhi shamil mere gunah mein hai

Azab de ga tou phir mujh ko khwab bhi de ga
Mein mutmain hoon mera dil teri panah mein hai

Bikhar chukka hai magar muskura ke milta hai
Woh rakh rakhao abhi meer kaj kalah mein hai

Jisay bahaar ke mehman khali chhor gaye
Woh ik makan abhi tak maken ki chaah mein hai

Yahi woh din thay jab ik dosray ko paya tha
Hamari salgirah theek ab ke mah mein hai

Mein bach bhi jaon to tanhai maar dale gi
Mere qabele ka har fard qatal gah mein hai

Dua ka toota howa harf sard aah mein hai
Teri judai ka manzar bahi nigah mein hai