BadBan Khulne Se Pehle Ka Ishara Dekhna

BadBan Khulne Se Pehle Ka Ishara Dekhna

BadBan Khulne Se Pehle Ka Ishara Dekhna
Mein samandar dekhti hoon tum kinara dekhna

Yun bichharna bhi bohat aasan nah tha uss se magar
Jate jate uss ka woh mor kar dubara dekhna

Kis shabahat ko liye aaya hai darwazay peh chand
Aye shab hijraan zara apna sitara dekhna

Kia qayamat hai keh jin ke naam par paspa hoye
Unn hi logon ko muqabil mein saaf-e-aara dekhna

Jab banam dil gowahi sar ki mangi jaye gi
Khoon mein dooba howa parcham hamara dekhna

Jeetne mein bhi jahan ji ka zayyan pehle se hai
Aisi bazi harne mein kiya khassar dekhna

Aaine ki aankh hi kuchh kam nah thi mere liye
Jane ab kia kia dikhaye ga tumhara dekhna

Aik musht khak aur woh bhi hawa ki zad mein hai
Zindagi ki be basi ka istiaara dekhna

Badban khulne se pehle ka ishara dekhna
Mein samandar dekhti hoon tum kinara dekhna
غزل
باد باں کھلنے سے پہلے کا اشارہ دیکھنا
میں سمندر دیکھتی ہوں تم کنارہ دیکھنا

یوں بچھڑنا بھی بہت آساں نہ تھا اُس سے مگر
جاتے جاتے اُس کا وہ مڑ کر دوبارہ دیکھنا

کس شباہت کو لیے آیا ہے دروازے پہ چاند
اے شب ہجراں ذرا اپنا ستارہ دیکھنا

کیا قیامت ہے کہ جن کے نام پر پسپا ہوئے
اُن ہی لوگوں کو مقابل میں صف آرا دیکھنا

جب بنام دل گواہی سر کی مانگی جائے گی
خون میں ڈوبا ہوا پرچم ہمارا دیکھنا

جیتنے میں بھی جہاں جی کا زیاں پہلے سے ہے
ایسی بازی ہارنے میں کیا خسارہ دیکھنا

آئنے کی آنکھ ہی کچھ کم نہ تھی میرے لیے
جانے اب کیا کیا دکھائے گا تمہارا دیکھنا

ایک مشت خاک اور وہ بھی ہوا کی زد میں ہے
زندگی کی بے بسی کا استعارہ دیکھنا

باد باں کھلنے سے پہلے کا اشارہ دیکھنا
میں سمندر دیکھتی ہوں تم کنارہ دیکھنا

اپنا تبصرہ بھیجیں