BadBan Khulne Se Pehle Ka Ishara Dekhna

BadBan Khulne Se Pehle Ka Ishara Dekhna
Mein samandar dekhti hoon tum kinara dekhna

Yun bichharna bhi bohat aasan nah tha uss se magar
Jate jate uss ka woh mor kar dubara dekhna

Kis shabahat ko liye aaya hai darwazay peh chand
Aye shab hijraan zara apna sitara dekhna

Kia qayamat hai keh jin ke naam par paspa hoye
Unn hi logon ko muqabil mein saaf-e-aara dekhna

Jab banam dil gowahi sar ki mangi jaye gi
Khoon mein dooba howa parcham hamara dekhna

Jeetne mein bhi jahan ji ka zayyan pehle se hai
Aisi bazi harne mein kiya khassar dekhna

Aaine ki aankh hi kuchh kam nah thi mere liye
Jane ab kia kia dikhaye ga tumhara dekhna

Aik musht khak aur woh bhi hawa ki zad mein hai
Zindagi ki be basi ka istiaara dekhna

Badban khulne se pehle ka ishara dekhna
Mein samandar dekhti hoon tum kinara dekhna