Shoq-E-Raqs Se Jab Tak Ungliyan Nahi Khulten

Shoq-E-Raqs Se Jab Tak Ungliyan Nahi Khulten
Paon se hawaon ke bairiyan nahi khulten

Pair ko dua de kar kat gayi baharon se
Phool itne barh aaye khirkiyan nahi khulten

Phool ban ke seerun mein aur kon shamil tha
Shokhi saba se tou baliyan nahi khulten

Husna ko samjhne ko umar chahye janaan
Do ghari ki chahat mein larkiyan nahi khulten

Koi mauja shireen chum kar jagaye gi
Surjon ke neezon se sepiyan nahi khulten

Maa se kia kahin gi dukh hijar ka keh khud par bhi
Itni chhuti umaron ki bachiyan nahi khulten

Shakh shakh sargardan kis ki justuju mein hai
Kon se safar mein hain titliyan nahi khulten

Aadhi raat ki chup mein kis ki chap ubharti hai
Chhat peh kon aata hai seerhiyan nahi khulten

Paniyon ke charhne tak haal kehh saken aur phir
Kia qayamaten guzarein bastiyan khulten

Shoq-e-raqs se jab tak ungliyan nahi khulten
Paon se hawaon ke bairiyan nahi khulten