Yeh Rahzan Soye Taqdeer Khainch Letay Hain
Sukhan ki hath se jageer khainch letay hain
Shumaar hota hai girye ka inn dukhon mein jo
Duaye sabar ki taseer khainch letay hain
Baray daraz hain nakhun tumhare khwabon ke
Jo meri aankh se tabeer khainch letay hain
Mein janti hoon kuch aise mussawiron ki bhi
Qalam se dard ki tasveer khainch letay hain
Jo likhna chahtay ho sach bayan karna tum
Keh jhoot hurmat-e-tehreer khainch letay hain
Addo se bachnay ki tadbeer karti rehti hoon
Msahibin mere teer khainch letay hain
Yeh zindagi ka safar ab thaka raha hai so hum
Yahin peh rail ki zanjeer khainch letay hain
Yeh rahzan soye taqdeer khainch letay hain
Sukhan ki hath se jageer khainch letay hain
غزل
یہ راہزن، سوئے تقدیر کھینچ لیتے ہیں
سخن کی ہاتھ سے جاگیر کھینچ لیتے ہیں
شمار ہوتا ہے گریے کا ان دکھوں میں جو
دعائے صبر کی تاثیر کھینچ لیتے ہیں
بڑے دراز ہیں ناخن تمہارے خوابوں کے
جو میری آنکھ سے تعبیر کھینچ لیتے ہیں
میں جانتی ہوں کچھ ایسے مصوروں کی بھی
قلم سے درد کی تصویر کھینچ لیتے ہیں
جو لکھنا چاہتے ہو ، سچ بیان کرنا تم
کہ جھوٹ حرمتِ تحریر کھینچ لیتے ہیں
عدو سے بچنے کی تدبیر کرتی رہتی ہوں
مصاحبین مرے تیر کھینچ لیتے ہیں
یہ زندگی کا سفر اب تھکا رہا ہے سو ہم
یہیں پہ ریل کی زنجیر کھینچ لیتے ہیں
یہ راہزن، سوئے تقدیر کھینچ لیتے ہیں
سخن کی ہاتھ سے جاگیر کھینچ لیتے ہیں