Shak Nahi Hai Hamein Uss Hot Ke Khuda Hone Mein
Chain hi chain hai razi ba raza hone mein

Kon chhup chhup ke mohabbat nahi karta akhir
Kia burai hai yahi khail khula hone mein

Baat be baat unhein adat hai khafa hone ki
Koi sani nahi rakhte woh khafa hone mein

Zinda rehne se bara juram bhala kia hoga
Taham ik umar guzari hai saza hone mein

Pehle duniya mein wafa koi sifat hoti thi
Sharam aati hai ab arbaab-e-wafa hone mein

Masla ban gai chhuti si burai aye shaoor
Kia takalluf hai bhala aur bura hone mein

Shak nahi hai hamein uss bot ke khuda hone mein
Chain hi chain hai razi ba raza hone mein
غزل
شک نہیں ہے ہمیں اس بُت کے خدا ہونے میں
چین ہی چین ہے راضی بہ رضا ہونے میں

کون چھپ چھپ کے محبت نہیں کرتا آخر
کیا برائی ہے یہی کھیل کھلا ہونے میں

بات بے بات انہیں عادت ہے خفا ہونے کی
کوئی ثانی نہیں رکھتے وہ خفا ہونے میں

زندہ رہنے سے بڑا جرم بھلا کیا ہوگا
تاہم اک عمر گزاری ہے سزا ہونے میں

پہلے دنیا میں وفا کوئی صفت ہوتی تھی
شرم آتی ہے اب ارباب وفا ہونے میں

مسئلہ بن گئی چھوٹی سی برائی اے شعور
کیا تکلف ہے بھلا اور برا ہونے میں

شک نہیں ہے ہمیں اس بُت کے خدا ہونے میں
چین ہی چین ہے راضی بہ رضا ہونے میں
Poet: Anwar Shaoor
Share this with your friends