شاعر:قتیل شفائی
غزل
سایۂ زلف سیہ فام کہاں تک پہنچے
جانے یہ سلسلۂ شام کہاں تک پہنچے
دور افق پار سہی پا تو لیا ہے تجھ کو
دیکھ ہم لے کے ترا نام کہاں تک پہنچے
یہ سسکتی ہوئی راتیں یہ بلکتے منظر
ہم بھی اے سایۂ گلفام کہاں تک پہنچے
نہ کہیں سایۂ گل ہے نہ کہیں ذکر حبیب
اور اب گردش ایام کہاں تک پہنچے
ہم تو رسوا تھے مگر ان کی نظر بھی نہ بچی
ہم پہ آئے ہوئے الزام کہاں تک پہنچے
مطمئن گرمیٔ احساس جفا سے بھی نہیں
دل کو پہنچے بھی تو آرام کہاں تک پہنچے
ان کی آنکھوں کو دیئے تھے جو مری آنکھوں نے
کس سے پوچھوں کہ وہ پیغام کہاں تک پہنچے
Ghazal
Saya-E-Zulf Siyah-Fam Kahan Tak Pahunche
jaane ye silsila-e-sham kahan tak pahunche
 
dur ufuq par sahi pa to liya hai tujh ko
dekh hum le ke tera nam kahan tak pahunche
 
ye sisakti hui raaten ye bilakte manzar
hum bhi ai saya-e-gulfam kahan tak pahunche
 
na kahin saya-e-gul hai na kahin zikr-e-habib
aur ab gardish-e-ayyam kahan tak pahunche
 
hum to ruswa the magar un ki nazar bhi na bachi
hum pe aae hue ilzam kahan tak pahunche
 
mutmain garmi-e-ehsas-e-jafa se bhi nahin
dil ko pahunche bhi to aaram kahan tak pahunche
 
un ki aankhon ko diye the jo meri aankhon ne
kis se puchhun ki wo paigham kahan tak pahunche
Share this with your friends