Saans Lena Bhi Saza Lagta Hai
Ab to marna bhi rawa lagta hai 

Koh-e-gham par se jo dekhun to mujhe

Dasht aaghosh-e-fana lagta hai

sar-e-bazar hai yaron ki talash

jo guzarta hai khafa lagta hai

mausam-e-gul mein sar-e-shakh-e-gul

shoala bhadke to baja lagta hai

muskuraata hai jo is aalam mein

ba-khuda mujh ko khuda lagta hai

itna manus hun sannate se

koi bole to bura lagta hai

un se mil kar bhi na kafur hua

dard ye sab se juda lagta hai

nutq ka sath nahin deta zehn

shukr karta hun gila lagta hai

is qadar tund hai raftar-e-hayat

waqt bhi rishta-bapa lagta hai

Saans Lena Bhi Saza Lagta Hai

Ab to marna bhi rawa lagta hai

غزل

سانس لینا بھی سزا لگتا ہے
اب تو مرنا بھی روا لگتا ہے

کوہ غم پر سے جو دیکھوں تو مجھے
دشت آغوش فنا لگتا ہے

سر بازار ہے یاروں کی تلاش
جو گزرتا ہے خفا لگتا ہے

موسم گل میں سر شاخ گلاب
شعلہ بھڑکے تو بجا لگتا ہے

مسکراتا ہے جو اس عالم میں
بہ خدا مجھ کو خدا لگتا ہے

اتنا مانوس ہوں سناٹے سے
کوئی بولے تو برا لگتا ہے

ان سے مل کر بھی نہ کافور ہوا
درد یہ سب سے جدا لگتا ہے

نطق کا ساتھ نہیں دیتا ذہن
شکر کرتا ہوں گلہ لگتا ہے

اس قدر تند ہے رفتار حیات
وقت بھی رشتہ بپا لگتا ہے

Poet: Ahmad Nadeem Qasmi