Randan-E-Tishna-Kam Ko Ja Kar Khabar Karen
Aayi bahar abr-e-karam par nazar karen

Hoon munfail zaroor magar ae gunah-e-ishq
Ab ashk bhi nahin hain jo daman ko tar karen

Be-wajah kab hai pursish-e- hal-e-shab-e-firaaq
Maqsad ye hai izafa-e-dard-e-jigar karen

Fursat ke din hain saqi-e- maikash nawaz uth
Kiyon intizar mausam deewana-gar karen

Mujh par utha rahe hain jo mehfil mein ungliyaan
Apni haqiqatoon pe tou akhir nazar karen

kaaba mein khamoshi hai sanam khane mein sukut
Surat parast ab tere sajda kidhar karen

Uf re jamal-e-jalwa-e-janan ki tabisheen
Dekhen unhen keh matam-e-tab nazar karen

Auraaq-e-do-jahan pe bhi hoga na ikhtitaam
Ehsan sarguzasht e alam mukhtasar karen

Randan-e-tishna-kam ko ja kar ḳhabar karen
Aayi bahar abr-e-karam par nazar karen