پرائی نیند میں سونے کا تجربہ کر کے
میں خوش نہیں ہوں تجھے خود میں مبتلا کر کے

اصولی طور پہ مر جانا چاہیے تھا مگر
مجھے سکون ملا ہے تجھے جدا کر کے

یہ کیوں کہا کہ تجھے مجھ سے پیار ہو جائے
تڑپ اٹھا ہوں ترے حق میں بد دعا کر کے

میں چاہتا ہوں خریدار پر یہ کھل جائے
نیا نہیں ہوں رکھا ہوں یہاں نیا کر کے

میں جوتیوں میں بھی بیٹھا ہوں پورے مان کے ساتھ
کسی نے مجھ کو بلایا ہے التجا کر کے

بشر سمجھ کے کیا تھا نا یوں نظر انداز
لے میں بھی چھوڑ رہا ہوں تجھے خدا کر کے

تو پھر وہ روتے ہوئے منتیں بھی مانتے ہیں
جو انتہا نہیں کرتے ہیں ابتدا کر کے

بدل چکا ہے مرا لمس نفسیات اس کی
کہ رکھ دیا ہے اسے میں نے ان چھوا کر کے

منا بھی لوں گا گلے بھی لگاؤں گا میں علیؔ
ابھی تو دیکھ رہا ہوں اسے خفا کر کے

Prai nind mein sone ka tajurba kar ky
Main khush nahi hun tujhy khud mein mubtla kar ky
 
Asooli tor pe mar jana chshiye tha mujhy
Mujhy sakun mila hai tujhy juda kar ky
 
Yeh ku kaha keh tujhy mujh se pyar ho jay
Tradap utha hunt ere aq mein badua kar ky
 
Main chahta hun khreedar peh yeh khul jay
Naya nahi hun rakha hun yahan naya kar ky
 
Main jootiyun mein bhi betha hun poore maan ky sath
Kisi ne mujh ko bulaya hai ilteja kar ky
 
Bashar smajh ky kiya than a yu nazar andaz
Le main bhi chodh raha hun  tujhy khuda kar ky
 
To phir who roty huy manten bhi manty hain
Jo inteha nahi karty hain ibtida kar ky
 
Badal chuka hai mera lams nafsiyat os ki
Keh rakh diya hai maine ose un chua kar ky
 
Mana bhi lu ga galy bhi lgaon ga main Ali
Abhi to dekh raha hu nose khafa kar ky
Share this with your friends