Ek Din Zuban Sakoot Ki Pori Banaunga

Ek Din Zuban Sakoot Ki Pori Banaunga
Mein guftagu ko ghair zaroori banaunga

Tasveer mein banaon ga donon ke hath aur
Donon mein aik hath ki dori banaunga

Muddat samait jumla zawabit hoon te shudda
Yani talluqat uboori banaunga

Tujh ko khabar nah hogi keh mein aas pass hoon
Iss hazri ko huzoori banaunga

Rangon peh ikhtiyar agar mil saka kabhi
Teri siyah putliyaan bhori banaunga

Jari hai apni zaat peh tehqeeq aaj kal
Mein bhi khala peh aik theory banaunga

Mein chaah kar woh shakal mukammal nah kar saka
Uss ko bhi lag raha tha adhoori banaunga

Ek din zuban sakoot ki pori banaunga
Mein guftagu ko ghair zaroori banaunga