Phone Tou Dour Wahan Khat| Zia Mazkoor Ghazal

Phone Tou Dour Wahan Khat Bhi Nahi Pohanchen Gay
Ab ke yeh log tumhein aisi jaga bhejen gay

Zindagi dekh chukke tujhe ko bare parday par
Aaj ke baad koi film nahi dekhen gay

Masla yeh hai mein dushman ke qaren pohancho ga
Aur kabootar meri talwar peh aabethen gay

Hum ko ik bar kinaron se nikal jane don
Phir tou selab ke pani ki tarah phelen gay

Tu woh darya hai agar jaldi nahi ki tou ne
Khud samandar tujhe milne ke liye aayen gay

Seegha raz mein rakhen gay nahi ishq tera
Hum tere naam se khushbu ki dukan kholen gay

Phone tou dour wahan khat bhi nahi pohanchen gay
Ab ke yeh log tumhein aisi jaga bhejen gay