Pehle Logon Ko Sukhan Zad Kiya Jata Hai
Phir bharay shahr ko naqaad kiya jata hai

Shukar karti hain salakhain bhi sabhi pinjray ki
Jab parinda koi aazaad kiya jata hai

Mar dene ke liye kafi rahien gay lehje
Bay sabab zeher ko ijaad kiya jata hai

Tou ne dekha hi nahi kaise bicharne ka malaal
Ab sar-e-shaam tere baad kiya jata hai

Ghar ki bunyad ko nafrat se hilane walo
Kitni mushkil se yeh aabad kiya jata hai

Gaon peh jab bhi museebat koi mandlati hai
Naat parh lete hain milad kia jata hai

Mohar lag jati hai likhwane ki jab shayar ko
Maktab-e-shair mein ustad kiya jata hai

Kaat dete hain haray pair duaon jaise
Kis dharlay se yeh apraad kiya jata hai

Tou ne socha hai tere chhoray hoye logon ko
Kin hawalon se yahan yaad kiya jata hai

Pehle logon ko sukhan zad kiya jata hai
Phir bharay shahr ko naqaad kiya jata hai
غزل
پہلے لوگوں کو سخن ذاد کیا جاتا ہے
پھر بھرے شہر کو نقاد کیا جاتا ہے

شکر کرتی ہیں سلاخیں بھی سبھی پنجرے کی
جب پرندہ کوئی آزاد کیا جاتا ہے

مار دینے کے لئے کافی رہیں گے لہجے
بے سبب زہر کو ایجاد کیا جاتا ہے

تو نے دیکھا ہی نہیں کیسے بچھڑنے کا ملال
اب سرِ شام ترے بعد کیا جاتا ہے

گھر کی بنیاد کو نفرت سے ہلانے والو
کتنی مشکل سے یہ آباد کیا جاتا ہے

گاؤں پہ جب بھی مصیبت کوئی منڈلاتی ہے
نعت پڑھ لیتے ہیں میلاد کیا جاتا ہے

مہر لگ جاتی ہے لکھوانے کی جب شاعر کو
مکتبِ شعر میں استاد کیا جاتا ہے

کاٹ دیتے ہیں ہرے پیڑ دعاؤں جیسے
کس دھڑلے سے یہ اپرادھ کیا جاتا ہے

تو نے سوچا ہے ترے چھوڑے ہوئے لوگوں کو
کن حوالوں سے یہاں یاد کیا جاتا ہے

پہلے لوگوں کو سخن ذاد کیا جاتا ہے
پھر بھرے شہر کو نقاد کیا جاتا ہے