Nazam
Pehli Akai Se Nakli Hoi Roshni Ka
Jhamaka hai jo roshni
Pehla imkan thi
Nazam pehle pehal jo thi hewan thi
Nazam chalti gai kirno chali teerne bhi lagi
Regne bhi phir yeh ghutno chali,
Aur khari ho gi
Ab yeh insan hai khud peh hiran hai
Nazam harf e khuda nazam quran hai
Nazam nita hai injeel hai, waeed hai, nazam aik bheed hai
Bheed jis ko mile nazam jis per khulay
Wo masiha banay nazam seene mein jis ke bhi utray parhay aur parhne lagay
Awaleen ism ko
Jis ne paida kia khoon e basta se
Insan ko
Nazam tajseem hota howa jism hai
Jism ki jaan hai
Yeh wo meezan hai
Jis peh qaim hoye hain zamaan o makaan
Haft aflak bhi
Todah khaak bhi
Todah khaak yani keh mein aur tum
Yani mein aur tum
Nazam ki lainain
Jo musalsal bekharti chali ja rahi hain
Kisi nazam mein in ki be rabtagi
Rabt ke wahemay se inhain
Joray rakhti hai ek waqt tak aur phir
Apne unwan se
Munharif ho ke mitti hoi lainain
Lainain lainain yani hum
نظم
پہلی اکائی سے نکلی ہوئی روشنی کا
جھماکا ہے جو روشنی
پہلا امکان تھی
نظم پہلے پہل جو تھی حیوان تھی
نظم چلتی گئی کرنوں چلی تیرنے بھی لگی
رینگنے بھی پھر یہ گھٹنوں چلی،
اور کھڑی ہوگی
اب یہ انسان ہے خود پہ حیران ہے
نظم حرف خدا نظم قرآن ہے
نظم نیتا ہے انجیل ہے، وید ہے، نظم ایک بھید ہے
بھید جس کو ملے نظم جس پر کھلے
وہ مسیح بنے
نظم سینے میں جس کے بھی اُترے پڑھے
اور پڑھنے لگے
اوّلیں اِسم کو
جس نے پیدا کیا خونِ بستہ سے
انسان کو
نظم تجسیم ہوتا ہُوا جسم ہے
جسم کی جان ہے
یہ وہ میزان ہے
جس پہ قائم ہوئے ہیں زمان و مکاں
ہفت افلاک بھی
تودۂ خاک بھی
تودۂ خاک یعنی کہ میں اور تم
یعنی میں اور تم
نظم کی لائینیں
جو مسلسل بکھرتی چلی جا رہی ہیں کسی نظم میں
ان کی بےربطگی
ربط کے واھمے
سے انہیں جوڑ رکھتی ہے اک وقت تک
اور پھر
اپنے عنوان سے
منحرف ھو کے مٹتی ھوئی لائینیں
لائینیں لائینیں یعنی ہم
