Dhool Howa Hoon
Khusro apne peer ke qadmo
Mein jab dafan howay thay
Janne walay jante thay
Sukhi pia se milti hai
To youn milti hai
Romi shams ki bahon
Mein jab aatay thay
To waqt wahin per tham jata tha
Ghariyan ginnay walay sitray
So jate thay
Shah hussain ne madhu lal
Ki baanh pakar kar
Jane walon ko roka tha
Aur zameen ne chalna choor diya tha
Hijr nada jismo mein rooh tarapti hai to
Nachne walay jante hain
Keh dhemaal kabhi dherti
Per ho hi nahi sakti
Shah sawaron ke apne rastay hotay hain
Aakhir sab ne mar jana hai
Aur peyadon ke marne ka din
Bhi teh nahi hota chaal chali shahzadi ne
Waqt bahut taizi se guzara dhool uri
Aur es dhool ki yaad meri muthi mein
Dhool ki soorat hai
Dhool howa hoon
Dhool howa to urne ke har raaz ko paya
Urne se lay kar urr jane mein mashghool howa hoon
Dhool howa hoon
نظم
دھول ہوا ہوں
خسرو اپنے پیر کے قدموں میں جب دفن ہوئے تھے
جاننے والے جانتے تھے
سکھی پیا سے ملتی ہے تو یوں ملتی ہے
رومی شمس کی بانہوں میں جب آتے تھے
تو وقت وہیں پر تھم جاتا تھا
گھڑیاں گننے والے ستارے سو جاتے تھے
شاہ حسین نے مادھو لال کی بانہہ پکڑ کر
جانے والوں کو روکا تھا
اور زمیں نے چلنا چھوڑ دیا تھا
ہجر ذدہ جسموں میں روح تڑپتی ہے تو
ناچنے والے جانتے ہیں
کہ دھمال کبھی دھرتی پر ہو ہی نہیں سکتی
شاہسواروں کے اپنے رستے ہوتے ہیں
آخر سب نے مر جانا ہے
اور پیادوں کے مرنے کا دن بھی طے نہیں ہوتا
چال چلی شہزادی نے
وقت بہت تیزی سے گزرا دھول اڑی
اور اس دھول کی یاد میری مٹھی میں دھول کی صورت ہے
دھول ہوا ہوں
دھول ہوا تو اڑنے کے ہر راز کو پایا
اڑنے سے لے کر اُڑ جانے میں مشغول ہوا ہوں
دھول ہوا ہوں