Tasht Tha Tasht Mein Talwar Mere Samnay Thi
Tasht Tha Tasht Mein Talwar Mere Samnay Thi
Mein nah larti tu meri haar mere samnay thi
Kitni deewaren girati hoi aai uss tak
Aur wahan jism ki deewar mere samnay thi
Istifada nahi kar pai kisi ishq se mein
Yeh sahulat yunhi baikar mere samnay thi
Itna mushkil to koi kam nahi hota hai
Zindagi jitni garan bar mere samnay thi
Jis ke sab aaib mein logon se chhupati thi wo dost
Inn dinon aaina bardar mere samnay thi
Kaan dharti to kabhi aagay nah barh pati mein
Yeh Sadaon ki jo bhar maar mere samnay thi
Mein ne jab aakay fiza apni tarashi komal
Aik se aik sukhan kar mere samnay thi
Tasht tha tasht mein talwar mere samnay thi
Mein nah larti tu meri haar mere samnay thi
غزل
طشت تھا طشت میں تلوار مرے سامنے تھی
میں نہ لڑتی تو مری ہار مرے سامنے تھی
کتنی دیواریں گراتی ہوئی آئی اُس تک
اور وہاں جسم کی دیوار مرے سامنے تھی
استفادہ نہیں کر پائی کسی عشق سے میں
یہ سہولت یو نہی بیکار مرے سامنے تھی
اتنا مشکل تو کوئی کام نہیں ہوتا ہے
زندگی جتنی گراں بار مرے سامنے تھی
جس کے سب عیب میں لوگوں سے چھپاتی تھی وہ دوست
اِن دنوں آئینہ بردار مرے سامنے تھی
کان دھرتی تو کبھی آگے نہ بڑھ پاتی میں
یہ صداؤں کی جو بھر مار مرے سامنے تھی
میں نے جب آکے فضا اپنی تراشی کومل
ایک سے ایک سخن کار مرے سامنے تھی
طشت تھا طشت میں تلوار مرے سامنے تھی
میں نہ لڑتی تو مری ہار مرے سامنے تھی
Load/Hide Comments