غزل
نئے کپڑے بدل کر جاؤں کہاں اور بال بناؤں کس کے لیے
وہ شخص تو شہر ہی چھوڑ گیا میں باہر جاؤں کس کے لیے
 
جس دھوپ کی دل میں ٹھنڈک تھی وہ دھوپ اسی کے ساتھ گئی
ان جلتی بلتی گلیوں میں اب خاک اڑاؤں کس کے لیے
 
وہ شہر میں تھا تو اس کے لیے اوروں سے بھی ملنا پڑتا تھا
اب ایسے ویسے لوگوں کے میں ناز اٹھاؤں کس کے لیے
 
اب شہر میں اس کا بدل ہی نہیں کوئی ویسا جان غزل ہی نہیں
ایوان غزل میں لفظوں کے گلدان سجاؤں کس کے لیے
 
مدت سے کوئی آیا نہ گیا سنسان پڑی ہے گھر کی فضا
ان خالی کمروں میں ناصرؔ اب شمع جلاؤں کس کے لیے
Ghazal
Naye Kapde Badal Kar Jaun Kahan Aur Baal Banaun Kis Ke Liye
Wo shakhs to shahr hi chhod gaya main bahar jaun kis ke liye
 
Jis dhup ki dil mein thandak thi wo dhup usi ke sath gai
In jalti balti galiyon mein ab khak udaun kis ke liye
 
Wo shahr mein tha to us ke liye auron se bhi milna padta tha
Ab aise-waise logon ke main naz uthaun kis ke liye
 
Ab shahr mein us ka badal hi nahin koi waisa jaan-e-ghazal hi nahin
Aiwan-e-ghazal mein lafzon ke gul-dan sajaun kis ke liye
 
Muddat se koi aaya na gaya sunsan padi hai ghar ki faza
In khali kamron mein ‘nasir’ ab shama jalaun kis ke liyeG
Share this with your friends