Jis Roz Hamara Kooch Hoga

Jis Roz Hamara Kooch Hoga
Phoolon ki dukanain band hongi

Sherin sukhano’n ke harf-e-dushnam
Be mihir zabanain band hongi

Palkon pe nami ka zikar hi kia
Yadon ka sorakh tak na hoga

Humwari aur nafs slamat
Dil par koi daagh tak na hoga

Pamali khawab ki kahani
Kehne ko chiragh tak na hoga

Mabood es akhri safar mein
Tanhai ko surkh ro hi rakhna

Joz tere nahi koi nigahdar
Es din bhi khayal tu hi rakhna

Jis ankh ne umer bhar rolaya
Us ankh ko be-wozoo hi rakhna

Jis roz hamara kooch hoga
Phoolon ki dukanain band hongi