Nafrat Ki Fizaon Mein Hai Woh Pyaar Ka Rutba
Gaon ke qabilon mein jo sardar ka rutba
Jalne nahi dete hain kari dhoop mein paon
Maon ki tarha hai hamein ashjaar kar rutba
Dukh apne chupa ke jo hansta raha sab ko
Kiya jane koi aise adakaar ka rubta
Hijrat mein jo ghar bar luta aaye thay apna
Bas woh hi samjh payen gay Ansar ka rutba
Kandhon peh utha rakha hai ik bhoj musalsal
Chhat se to kahin uncha hai deewar ka rutba
Hum sachay sukhan kaar dua kehtay hain inko
Kazib ko bataye koi ashaar kar rutba
Jo qalab hussaini hai wohi girya kare ga
Molai hi jayen gay azzadaar ka rutba
Nafrat ki fizaon mein hai woh pyaar ka rutba
Gaon ke qabilon mein jo sardar ka rutba
غزل
نفرت کی فضاؤں میں ہے وہ پیار کا رتبہ
گاؤں کے قبیلوں میں جو سردار کا رتبہ
جلنے نہیں دیتے ہیں کڑی دھوپ میں پاؤں
ماؤں کی طرح ہے ہمیں ، اشجار کا رتبہ
دکھ اپنے چھپا کے جو ہنساتا رہا سب کو
کیا جانے کوئی ایسے ادارکار کا رتبہ
ہجرت میں جو گھر بار لٹا آئے تھے اپنا
بس وہ ہی سمجھ پائیں گے انصار کا رتبہ
کاندھوں پہ اٹھا رکھا ہے اک بوجھ مسلسل
چھت سے تو کہیں اونچا ہے دیوار کا رتبہ
ہم سچے سخن کار دعا کہتے ہیں انکو
کاذب کو بتائے کوئی اشعار کا رتبہ
جو قلب حسینی ہے وہی گریہ کرے گا
مولائی ہی جانیں گے عزادار کا رتبہ
نفرت کی فضاؤں میں ہے وہ پیار کا رتبہ
گاؤں کے قبیلوں میں جو سردار کا رتبہ
