Meri sari zindagi ko be-samar us ne kiya

mawraa 0 تبصرے
شاعر: منیر نیازی
میری ساری زندگی کو بے ثمر اس نے کیا
عمر میری تھی مگر اس کو بسر اس نے کیا
میں بہت کمزور تھا اس ملک میں ہجرت کے بعد
پر مجھے اس ملک میں کمزور تر اس نے کیا
راہبر میرا بنا گمراہ کرنے کے لیے
مجھ کو سیدھے راستے سے در بہ در اس نے کیا
شہر میں وہ معتبر میری گواہی سے ہوا
پھر مجھے اس شہر میں نا معتبر اس نے کیا
شہر کو برباد کر کے رکھ دیا اس نے منیرؔ
شہر پر یہ ظلم میرے نام پر اس نے کیا
meri sari zindagi ko be-samar us ne kiya
umr meri thi magar us ko basar us ne kiya

main bahut kamzor tha is mulk mein hijrat ke baad
par mujhe is mulk mein kamzor-tar us ne kiya

rahbar mera bana gumrah karne ke liye
mujh ko sidhe raste se dar-ba-dar us ne kiya

shahr mein wo mo’atabar meri gawahi se hua
phir mujhe is shahr mein na-mo’tabar us ne kiya

shahr ko barbaad kar ke rakh diya us ne ‘munir’
shahr par ye zulm mere nam par us ne kiya
Load/Hide Comments

اپنا تبصرہ بھیجیں