Mein Kaar Aamad Hoon Ya Be Kaar Hoon Mein
Magar aye yaar tera yaar hoon mein
Jo dekha hai kisi ko mat batana
Ilaqay bhar mein izzat daar hoon mein
Khud apni zaat ke sarmaye mein bhi
Sifar feesad ka hissay daar hoon mein
Aur aab kyun bain karte aa gaye ho
Kaha tha na bohat bemaar hoon mein
Meri to sari duniya bas tum hi ho
Ghalat kia hai jo duniya daar hoon mein
Kahani mein jo hota hi nahi hai
Kahani ka wohi kirdaar hoon mein
Yeh teh karta hai dastak dainay wala
Kahan dar hoon kahan deewar hoon mein
Koi samjhaye mere dushmanon ko
Zarasi dosti ki maar hoon mein
Mujhe pathar samjh kar pesh maat aa
Zarasa raham kar jaan daar hoon mein
Bas itna soch kar kaijye koi hukam
Bara mouh zor khidmat gaar hoon mein
Koi shak hai to be shak aazma le
Tera honay ka daway daar hoon mein
Agar har haal mein khush rehna fun hai
To phir sab se bara fun kaar hoon mein
Zamana to mujhe kehta hai faris
Magar faris ka pardah daar hoon mein
Unhein khilna sikhata hoon mein faris
Gulabon ka sahoolat kaar hoon mein
Mein kaar aamad hoon ya be kaar hoon mein
Magar aye yaar tera yaar hoon mein
میں کار آمد ہوں یا بے کار ہوں میں
مگر اے یار تیرا یار ہوں میں
جو دیکھا ہے کسی کو مت بتانا
علاقے بھر میں عزت دار ہوں میں
خود اپنی ذات کے سرمائے میں بھی
صفر فیصد کا حصے دار ہوں میں
اور اب کیوں بین کرتے آگئے ہو
کہا تھا نا بہت بیمار ہوں میں
مری تو ساری دنیا بس تم ہی ہو
غلط کیا ہے جو دنیا دار ہوں میں
کہانی میں جو ہوتا ہی نہیں ہے
کہانی کا وہی کردار ہوں میں
یہ طے کرتا ہے دستک دینے والا
کہاں در ہوں کہاں دیوار ہوں میں
کوئی سمجھائے میرے دشمنوں کو
ذراسی دوستی کی مار ہوں میں
مجھے پتھر سمجھ کر پیش مت آ
ذراسا رحم کر جاں دار ہوں میں
بس اتنا سوچ کر کیجئے کوئی حکم
بڑا منہ زور خدمت گار ہوں میں
کوئی شک ہے تو بے شک آزمالے
ترا ہونے کا دعوے دار ہوں میں
اگر ہر حال میں خوش رہنا فن ہے
تو پھر سب سے بڑا فن کار ہوں میں
زمانہ تو مجھے کہتا ہے فارس
مگر فارس کا پردہ دار ہوں میں
انہیں کھلنا سکھاتا ہوں میں فارس
گلابوں کا سہولت کار ہوں میں
میں کار آمد ہوں یا بے کار ہوں میں
مگر اے یار تیرا یار ہوں میں
