غزل

مان لے اب بھی مری جان ادا درد نہ چن

کام آتی نہیں پھر کوئی دعا درد نہ چن

اور کچھ دیر میں مجھ کو چلے جانا ہوگا

اور کچھ دیر مجھے خواب دکھا درد نہ چن

ایک بھی درد نہ کم ہوگا کئی صدیوں میں

اب بھی کہتا ہوں تجھے وقت بچا درد نہ چن

وہ جو لکھا ہے کسی طور نہیں ٹل سکتا

آ مرے دل میں کوئی دیپ جلا درد نہ چن

میں ترے لمس سے محروم نہ رہ جاؤں کہیں

آخری بار مجھے خود سے لگا درد نہ چن

اب تو یہ ریشمی پوریں بھی چھدی جاتی ہیں

خود کو اب بخش بھی دے ظلم نہ ڈھ درد نہ چن

یہ نہیں ہوں گے تو کھائے نہیں ہو جاؤں گا میں

میرے زخموں سے کوئی گیت بنا درد نہ چن

کچھ نہ دے گا یہ مسائل سے الجھتے رہنا

چھوڑ سب کچھ مری بانہوں میں سما درد نہ چن

Ghazal

Man Le Ab Bhi Meri Jaan-E-Ada Dard Na Chun

Kaam aati nahin phir koi dua dard na chun

Aur kuchh der mein mujh ko chale jaana hoga

Aur kuchh der mujhe khwab dikha dard na chun

Ek bhi dard na kam hoga kai sadiyon mein

Ab bhi kahta hun tujhe waqt bacha dard na chun

Wo jo likkha hai kisi taur nahin tal sakta

Aa mere dil mein koi dip jala dard na chun

Main tere lams se mahrum na rah jaun kahin

Aakhiri bar mujhe khud se laga dard na chun

Ab to ye reshmi poren bhi chhidi jati hain

Khud ko ab bakhsh bhi de zulm na dah dard na chun

Ye nahin honge to khae nahin ho jaunga main

Mere zakhmon se koi git bana dard na chun

Kuchh na dega ye masail se ulajhte rahna

Chhod sab kuchh meri banhon mein sama dard na chun