Kutte
Kutte :
Ye Galiyon Ke Aawara Be-Kar Kutte
Ki bakhsha gaya jin ko zauq-e-gadai
Zamane ki phatkar sarmaya in ka
Jahan bhar ki dhutkar in ki kamai
Na aaram shab ko na rahat sawere
Ghalazat mein ghar naliyon mein basere
Jo bigden to ek dusre ko lada do
Zara ek roti ka tukda dikha do
Ye har ek ki thokaren khane wale
Ye faqon se ukta ke mar jaane wale
Ye mazlum makhluq gar sar uthae
To insan sab sar-kashi bhul jae
Ye chahen to duniya ko apna bana len
Ye aaqaon ki haddiyan tak chaba len
Koi in ko ehsas-e-zillat dila de
Koi in ki soi hui dum hila de
کتے
یہ گلیوں کے آوارہ بے کار کتے
کہ بخشا گیا جن کو ذوق گدائی
زمانے کی پھٹکار سرمایہ ان کا
جہاں بھر کی دھتکار ان کی کمائی
نہ آرام شب کو نہ راحت سویرے
غلاظت میں گھر نالیوں میں بسیرے
جو بگڑیں تو اک دوسرے کو لڑا دو
ذرا ایک روٹی کا ٹکڑا دکھا دو
یہ ہر ایک کی ٹھوکریں کھانے والے
یہ فاقوں سے اکتا کے مر جانے والے
مظلوم مخلوق گر سر اٹھائے
تو انسان سب سرکشی بھول جائے
یہ چاہیں تو دنیا کو اپنا بنا لیں
یہ آقاؤں کی ہڈیاں تک چبا لیں
کوئی ان کو احساس ذلت دلا دے
کوئی ان کی سوئی ہوئی دم ہلا دے
Load/Hide Comments