Koi Ummeed Bar Nahin Aati

mawraa 0 تبصرے
شاعر: مرزا غالب
غزل
کوئی امید بر نہیں آتی
کوئی صورت نظر نہیں آتی

موت کا ایک دن معین ہے
نیند کیوں رات بھر نہیں آتی

آگے آتی تھی حال دل پہ ہنسی
اب کسی بات پر نہیں آتی

جانتا ہوں ثواب طاعت و زہد
پر طبیعت ادھر نہیں آتی

ہے کچھ ایسی ہی بات جو چپ ہوں
ورنہ کیا بات کر نہیں آتی

کیوں نہ چیخوں کہ یاد کرتے ہیں
میری آواز گر نہیں آتی

داغ دل گر نظر نہیں آتا
بو بھی اے چارہ گر نہیں آتی

ہم وہاں ہیں جہاں سے ہم کو بھی
کچھ ہماری خبر نہیں آتی

مرتے ہیں آرزو میں مرنے کی
موت آتی ہے پر نہیں آتی

کعبہ کس منہ سے جاوگے غالبؔ
شرم تم کو مگر نہیں آتی

Ghazal
Koi Ummeed Bar Nahin Aati
koi surat nazar nahin aati
maut ka ek din muayyan hai
nind kyun raat bhar nahin aati
aage aati thi haal-e-dil pe hansi
ab kisi baat par nahin aati
jaanta hun sawab-e-taat-o-zohd
par tabiat idhar nahin aati
hai kuchh aisi hi baat jo chup hun
warna kya baat kar nahin aati
kyun na chikhun ki yaad karte hain
meri aawaz gar nahin aati
bu bhi ai chaaragar nahin aati
hum wahan hain jahan se hum ko bhi
kuchh hamari khabar nahin aati
marte hain aarzu mein marne ki
maut aati hai par nahin aati
kaba kis munh se jaoge ‘ghaalib’
sharm tum ko magar nahin aati
Load/Hide Comments

اپنا تبصرہ بھیجیں