Khamoshi Se Mazaq Ishq Penhaan | Ehsan Danish

Khamoshi Se Mazaq Ishq Penhaan Ho Nahi Sakta
Yeh shola hai chiragh zir damaan ho nahi sakta

Dar-o-deewar deewano ka rishta chhor dete hain
Hamesha ko junoon majbor zindaan ho nahi sakta

Hudood bandagi mein dil ko jo aasoodgi de-day
Woh sajda bais takmeel insaan ho nahi sakta

Mein deewana bhala mujh ko mere sahra mein pohanchado
Keh mein paband aadab-e-gulistaan ho nahi sakta

Usi ka silsila hai mera chaak-e-jama hasti
Girebaan tak faqt chak girebaan ho nahi sakta

Yeh gustakhi tou hai lekin mein us jalwe ka talib hoon
Baqeed rang-o-soorat mein numaya ho nahi sakta

Khamoshi se mazaq ishq penhaan ho nahi sakta
Yeh shola hai chiragh zir damaan ho nahi sakta