Kal Hamesha Ki Tarah Uss Ne Kaha Yeh Phone Par
Mein bohat masroof hoon mujh ko bohat se kaam hain
Iss liye tum aao milne mein to aa sakti nahi
Har riwayat tor kar iss baar mein nah kehh diya
Tum jo ho masroof mein bhi bohat masroof hoon
Tou jo ho mashhoor to mein bhi bohat maroof hoon
Tum agar ghamgeen ho mein bhi bohat ranjoor hoon
Tum thakan se choor to mein bhi thakan se choor hoon
Jan e man hai waqt mere bhi bohat hi qeemti
Kuch purane doston ne milne aana hai abhi
Mein bhi ab farigh nahi mujh ko bhi lakhon kaam hain
Warna kehne ko to sab lamhe tumhare naam hain
Meri aankhen bhi bohat boujhal hain sona hai mujhe
Ratjagon ke baad ab neendon mein khona hai mujhe
Mein lahoo apni anaon ka baha sakta nahi
Tum nahi aati to milne mein bhi aasakta nahi
Iss ko yeh kehh kar wasi mein ne reciever rakh diya
Aur phir apni ana ke paon pe sar rakh diya
Kal hamesha ki tarah uss ne kaha yeh phone par
Mein bohat masroof hoon mujh ko bohat se kaam hain
نظم
کل ہمیشہ کی طرح اُس نے کہا یہ فون پر
میں بہت مصروف ہوں مجھ کو بہت سے کام ہیں
اِس لیے تم آؤ ملنے میں تو آسکتی نہیں
ہر روایت توڑ کر اِس بار میں نہ کہہ دیا
تم جو ہو مصروف میں بھی بہت مصروف ہوں
تو جو ہو مشہور تو میں بھی بہت معروف ہوں
تم اگر غمگین ہو میں بھی بہت رنجور ہوں
تم تھکن سے چور تو میں بھی تھکن سے چور ہوں
جانِ من ہے وقت میرا بھی بہت ہی قیمتی
کچھ پرانے دوستوں نے ملنے آنا ہے ابھی
میں بھی اب فارغ نہیں مجھ کو بھی لاکھوں کام ہیں
ورنہ کہنے کو تو سب لمحے تمہارے نام ہیں
میری آنکھیں بھی بہت بوجھل ہیں سونا ہے مجھے
رتجگوں کے بعد اب نیندوں میں کھونا ہے مجھے
میں لہو اپنی اناؤں کا بہا سکتا نہیں
تم نہیں آتی تو ملنے میں بھی آسکتا نہہں
اِس کو یہ کہہ کر وصی میں نے ریسیور رکھ دیا
اور پھر اپنی انا کے پاؤں پے سر رکھ دیا
کل ہمیشہ کی طرح اُس نے کہا یہ فون پر
میں بہت مصروف ہوں مجھ کو بہت سے کام ہیں
