Kahan Ke Naam-O-Nasab Ilm Kya Fazilat Kya
Jahan-e-rizq mein tauqeer-e- ahl-e-hajat kya

Shikam ki aag liye phir rahi hai shahr-ba-shahr
Sag-e-zamana hain hum kya hamari hijrat kya

Damishq-e-maslihat-o-kufa-e- nifaq ke beech
Fughaan-e-qaafla-e-be -nawa ki qeemat kya

Maal-e-izzat-e-sadat-e-ishq dekh ke hum
Badal gaye tou badalne pe itni herat kya

Qimar khana-e-hasti mein ek bazi par
Tamam umr laga di tou phir shikayat kya

Farogh-e-sanat-e-qad-awari ka mausam hai
Subk hue pe bhi nikla hai qad-o-qamat kya

Kahan ke naam-o-nasab ilm kya fazilat kya
Jahan-e-rizq mein tauqeer-e- ahl-e-hajat kya
غزل
کہاں کے نام و نسب علم کیا فضیلت کیا
جہان رزق میں توقیر اہل حاجت کیا

شکم کی آگ لیے پھر رہی ہے شہر بہ شہر
سگ زمانہ ہیں ہم کیا ہماری ہجرت کیا

دمشق مصلحت و کوفۂ نفاق کے بیچ
فغان قافلۂ بے نوا کی قیمت کیا

مآل عزت سادات عشق دیکھ کے ہم
بدل گئے تو بدلنے پہ اتنی حیرت کیا

خانۂ ہستی میں ایک بازی پر قِمار
تمام عمر لگا دی تو پھر شکایت کیا

فروغ صنعت قد آوری کا موسم ہے
سبک ہوئے پہ بھی نکلا ہے قد و قامت کیا

کہاں کے نام و نسب علم کیا فضیلت کیا
جہان رزق میں توقیر اہل حاجت کیا
Poet: Iftikhar Arif
Share this with your friends