Kahan Ke Naam-O-Nasab Ilm Kya Fazilat Kya
Jahan-e-rizq mein tauqeer-e- ahl-e-hajat kya

Shikam ki aag liye phir rahi hai shahr-ba-shahr
Sag-e-zamana hain hum kya hamari hijrat kya

Damishq-e-maslihat-o-kufa-e- nifaq ke beech
Fughaan-e-qaafla-e-be -nawa ki qeemat kya

Maal-e-izzat-e-sadat-e-ishq dekh ke hum
Badal gaye tou badalne pe itni herat kya

Qimar khana-e-hasti mein ek bazi par
Tamam umr laga di tou phir shikayat kya

Farogh-e-sanat-e-qad-awari ka mausam hai
Subk hue pe bhi nikla hai qad-o-qamat kya

Kahan ke naam-o-nasab ilm kya fazilat kya
Jahan-e-rizq mein tauqeer-e- ahl-e-hajat kya