Jab Aankhen Dukhnay Lagen| Urdu Ghazal

Jab Aankhen Dukhnay Lagen Dekh Kar Dua Ki Taraf
Rujoo karne lage log phir dawa ki taraf

Hamara kam faqt dekhna hai dekh rahe
Khuda hamari taraf aur hum khuda ki taraf

Zara se hosh mein aate hi ishq se bhagay
Keh hum nashe mein hi aaye thay iss bala ki taraf

Kuch iss liye bhi hamein kamsini mein bandhte hain
Bazorg Dartay hain hum chal na den zina ki taraf

Tamam bastiyan wiraan hain khamoshi hai
Chale gaye sabhi gahak kisi sadaa ki taraf

Zara si sharam bhi ho tou chiragh bujh jayen
Keh mom baiti ne rukh kar liya hawa ki taraf

Hamari zindagi barbad hogayi lekin
Qasoor war nah laye gaye sazaa ki taraf

Jab aankhen dukhnay lagen dekh kar dua ki taraf
Rujoo karne lage log phir dawa ki taraf