Wafain Kar Ke Jafawon Ka Gham Uthaye Jaa

Wafain Kar Ke Jafawon Ka Gham Uthaye Jaa
Usi tarha se zamane ko azamaye jaa

Kisi mein apni sifat ke siwaa kamal nahi
Jidhar isharah fitraat ho sar jhukaye ja

Wo lo rubab se nikli dhuwan utha dil se
Wafa ka raag usi dhon mein gungunaye ja

Nazar ke sath mohabbat badal nahi sakti
Nazar badal ke mohabbat ko azmaye jaa

Khudi ishq ne jis din se khol dein aankhen
Hai aansuon ka taqaza keh muskuraye jaa

Nahi hai gham tou mohabbat ki tarbeyat naqis
Hwadas ayen tou narmi se pesh aye jaa

Thi ibtida mein yeh tadeeb muflasi mujh ko
Ghulam reh ke ghulami pe muskuraye ja

Badal na rah khird ke fareeb mein aa kar
Junon ke naqash qadam par qadam barhaye jaa

Ummed-o-yaas mein jeena hai ishq ka maqsad
Usi muqaam muqqadas pe tilmalaye jaa

Chaman mein fursaat-o-taskeen hai mout ka paigham
Sukoon passand na kar aashiyaa banaye jaa

Yahi hai lutaaf mohabbat yahi hai kaif hayat
haqeeqaton ki binaa par fareeb khaye jaa

Wafa ka khawab hai ehsan khawab be tabeer
Wafayen kar ke muqadar ko azmaye jaa

Wafain kar ke jafawon ka gham uthaye jaa
Usi tarha se zamane ko azamaye jaa