Ishq Ki Duniya Mein Ek Hangama Barpa Kar Diya

Ishq Ki Duniya Mein Ek Hangama Barpa Kar Diya

غزل
عشق کی دنیا میں اک ہنگامہ برپا کر دیا
اے خیال دوست یہ کیا ہو گیا کیا کر دیا

ذرے ذرے نے مرا افسانہ سن کر داد دی
میں نے وحشت میں جہاں کو تیرا شیدا کر دیا

طور پر راہ وفا میں بو دیئے کانٹے کلیم
عشق کی وسعت کو مسدود تقاضا کر دیا

بستر مشرق سے سورج نے اٹھایا اپنا سر
کس نے یہ محفل میں ذکر حسن یکتا کر دیا

چشم نرگس جائے شبنم خون روئے گی ندیم
میں نے جس دن گلستاں کا راز افشا کر دیا

قیس یہ معراج الفت ہے کہ اعجاز جنوں
نجد کے ہر ذرے کو تصویر لیلیٰ کر دیا

مدعائے دل کہوں احسانؔ کس امید پر
وہ جو چاہیں گے کریں گے اور جو چاہا کر دیا
 
Ghazal
Ishq Ki Duniya Mein Ek Hangama Barpa Kar Diya
Ai khyaal-e-dost ye kya ho gaya kya kar diya

Zarre zarre ne mera afsaana sun kar daad di
Main ne wahshat mein jahaan ko tera shaida kar diya

Toor par raah-e-wafa mein bo diye kanate kaleem
Ishq ki wus’at ko masdood-e-taqaaza kar diya

Bistar-e-mashriq se sooraj ne uthaya apna sar
Kis ne ye mahfil mein zikr-e-husn-e-yakta kar diya

Chashm-e-nargis ja-e-shabnam khoon royegi nadeem
Main ne jis din gulsitaan ka raaz ifsha kar diya

Qais ye meraaj-e-ulfat hai ki ejaaz-e-junoo’n
Najd ke har zarre ko tasveer-e-laila kar diya

Muddaa-e-dil kahun ‘Ehsaan’ kis ummeed par
Wo jo chaahenge karenge aur jo chaha kar diya

اپنا تبصرہ بھیجیں