شاعر: امجد اسلام امجد
عشق ایسا عجیب دریا ہے
جو بنا ساحلوں کے بہتا ہے
مغتنم ہیں یہ چار لمحے بھی
پھر نہ ہم ہیں نہ یہ تماشا ہے
اے سرابوں میں گھومنے والے
دل کے اندر بھی ایک رستہ ہے
زندگی اک دکاں کھلونوں کی
وقت بگڑا ہوا سا بچہ ہے
اس بھری کائنات کے ہوتے
آدمی کس قدر اکیلا ہے
آئینے میں جو عکس ہے امجدؔ
کیوں کسی دوسرے کا لگتا ہے
Ishq Aisa Ajib Darya Hai
jo bina sahilon ke bahta hai
mughtanim hain ye chaar lamhe bhi
phir na hum hain na ye tamasha hai
ai sarabon mein ghumne wale
dil ke andar bhi ek rasta hai
zindagi ek dukan khilaunon kei
waqt bigda hua sa bachcha hai
is bhari kaenat ke hote
aadmi kis qadar akela hai
aaine mein jo aks hai ‘amjad’
kyon kisi dusre ka lagta hai
Share this with your friends