Gardish Saghir Sabu Ke Darmiyan| Urdu Ghazal

Gardish Saghir Sabu Ke Darmiyan
Zindagi hai hao hoo ke darmiyan

Zakhm aur poshak bhi rakhe gaye
Aaina aur aab jo ke darmiyan

Teesra rasta kidhar ko jaye hai
Aarzoo aur justajoo ke darmiyan

Kitni be mani si hai yeh zindagi
Khamoshi aur guftagu ke darmiyan

Zindagi tarjeeh kis ko deti hai
Sabz ro aur khosh gulu ke darmiyan

Yad ki ik ajnabi parchai hai
Rang-o-boo-o-kaakh-o-ko ke darmiyan

Waqt se bach kar nikal jawon kahin
Aik dar hai chaarso ke darmiyan

Mera chehra dusron se mukhtalif
Farq hai kya yeh lahoo ke darmiyan

Gardish saghir sabu ke darmiyan
Zindagi hai hao hoo ke darmiyan