Hum Ahl-E-Jabr Ke Nam-O-Nasab Se Waqif Hain

Hum Ahl-E-Jabr Ke Nam-O-Nasab Se Waqif Hain
Saron ki fasl jab utri thi tab se waqif hain

Kabhi chhupe howay khanjar kabhi khinchi hoi tegh
Sipah-e-zulm ke ek ek dhab se waqif hain

Wo jin ki dast-khaten mahzar-e-sitam pe hain sabt
Har us adib har us be-adab se waqif hain

Yeh raat youn hi to dushman nahi hamari keh hum
Daraazi-e-shab-e-gham ke sabab se waqif hain

Nazar mein rakhte hain asr-e-buland-e-baami-e-mehr
Furaat-e-jabr ke har tishna-lab se waqif hain

Koi nai to nahi harf-e-haq ki tanhai
Jo jaante hain wo is amr-e-rab se waqif hain

Hum ahl-e-jabr ke nam-o-nasab se waqif hain
Saron ki fasl jab utri thi tab se waqif hain