Yahi Dua Hai Yahi Hai Salaam Ishq Bakhair
Mere sabhi rufaqaye karam ishq bakhair
Diyar hijar ki soni udaas galiyon mein
Pukarta hai koi subah-o-sham ishq bakhair
Mein kar raha tha dua ki guzarishen uss se
So kehh gai hai udaasi ki sham ishq bakhair
Baray ajeeb hain shahr junoon ke bashinday
Hamesha kehte hain baad az salaam ishq bakhair
Yeh reh zaroor tumhare hi ghar ko jati hai
Likha howa hai yahan gaam gaam ishq bakhair
Bayan ki hai ghazal war dastan ishq
So uss kitab ka rakha hai naam ishq bakhair
Ufuq ke paar mujhe yaad kar raha hai koi
Abhi mila hai udhar se payam-e-ishq bakhair
Yahi dua hai yahi hai salaam ishq bakhair
Mere sabhi rufaqaye karam ishq bakhair
غزل
یہی دعا ہے یہی ہے سلام عشق بخیر
مرے سبھی رفقائے کرام عشق بخیر
دیار ہجر کی سونی اُداس گلیوں میں
پکارتا ہے کوئی صبح و شام عشق بخیر
میں کر رہا تھا دعا کی گزارشیں اُس سے
سو کہہ گئی ہے اداسی کی شام عشق بخیر
بڑے عجیب ہیں شہر جنوں کے باشندے
ہمیشہ کہتے ہیں بعد از سلام عشق بخیر
یہ رہ ضرور تمہارے ہی گھر کو جاتی ہے
لکھا ہوا ہے یہاں گام گام عشق بخیر
بیان کی ہے غزل وار داستان عشق
سو اُس کتاب کا رکھا ہے نام عشق بخیر
اُفق کے پار مجھے یاد کر رہا ہے کوئی
ابھی ملا ہے اُدھر سے پیامِ عشق بخیر
یہی دعا ہے یہی ہے سلام عشق بخیر
مرے سبھی رفقائے کرام عشق بخیر
