Sab Jin Ke liye Jholian Philaye Howay Hain
Wo rang meri aankh ke thukaray howay hain
Ek tum ho keh shorat ki hawas hi nahi jati
Ek hum hain keh har shoor se oktay howay hain
Do chaar sawalat mein khulne ke nahi hum
Yeh okday tere hath ke uljhaye howay hain
Ab kis ke liye laye ho yeh chand sitray
Hum khawab ki duniya se nikal aye howay hain
Har baat ko be waja udassi pe na dalo
Hum phool kisi waja se komlaye howay hain
Kuch bhi teri duniya mein niya kyu nahi lagta
Lagta hai keh pehle bhi yahaan aye howay hain
Hai dekhne walo ke liye aur hi duniya
Jo dekh nahi sakte wo ghabraye howay hain
Sab dil se yahaan tere tarafdar nahi hain
Kuch sirf mere bughz mein bhi aye howay hain
Hain aur bhi duniya mein sukhan war bare lekin
Kehte hain keh sadaat yahaan chhaaye howay hain
Sab jin ke liye jholian philaye howay hain
Wo rang meri aankh ke thukaray howay hain
غزل
سب جن کے لیے جھولیاں پھیلائے ہوئے ہیں
وہ رنگ میری آنکھ کے ٹھکرائے ہوئے ہیں
اک تم ہو کہ شہرت کی ہوس ہی نہیں جاتی
اک ہم ہیں کہ ہرشور سے اُکتائے ہوئے ہیں
دو چار سوالات میں کُھلنے کے نہیں ہم
یہ عُقدے تیرے ہاتھ کے الجھائے ہوئے ہیں
اب کس کے لیے لائے ہو یہ چاند ستارے
ہم خواب کی دنیا سے نکل آئے ہوئے ہیں
ہر بات کو بے وجہ اداسی پہ نہ ڈالو
ہم پھول کسی وجہ سے کملائے ہوئے ہیں
کچھ بھی تری دنیا میں نیا کیوں نہیں لگتا
لگتا ہے کہ پہلے بھی یہاں آئے ہوئے ہیں
ہے دیکھنے والوں کے لیے اور ہی دنیا
جو دیکھ نہیں سکتے وہ گھبرائے ہوئے ہیں
سب دل سے یہاں تیرے طرف دار نہیں ہیں
کچھ صرف میرے بُغض میں بھی آئے ہوئے ہیں
ہیں اور بھی دنیا میں سخن ور بڑے لیکن
کہتے ہیں کہ سادات یہاں چھائے ہوئے ہیں
