Mein Khajooron Bharay Sehraon Mein Dekha Gaya Hoon
Takht ke bad tere paon mein dekha gaya hoon
Dafan hoti hoi jheelon mein tehkanay hain mere
Khushk hotay howay daryaon mein dekha gaya hoon
Masjdon aur mizaron mein mere charchay hain
Mandron aur kalisayon mein dekha gaya hoon
Bakht hoon aur mujhe dhoondne walay hain bahut
Hussan hoon hassenaon mein dekha gaya hoon
Wisal ke teen so tirah mein kahin hoon maujood
Hijr ke markay arwan mein dekha gaya hoon
Lamha bhar ko mere sar per koi badal aaya
Kehne walon ne kaha chaown mein dekha gaya hoon
Phir mujhe khud bhi khabar ho na saki mein hoon kahan
Aakhri baar tere gaon mein dekha gaya hoon
Mein khajooron bharay sehraon mein dekha gaya hoon
Takht ke bad tere paon mein dekha gaya hoon
غزل
میں کھجوروں بھرے صحراؤں میں دیکھا گیا ہوں
تخت کے بعد تیرے پاؤں میں دیکھا گیا ہوں
دفن ہوتی ہوئی جھیلوں میں ٹھکانے ہیں میرے
خشک ہوتے ہوٸے دریاؤں میں دیکھا گیا ہوں
مسجدوں اور مزاروں میں میرے چرچے ہیں
مندروں اور کلیساؤں میں دیکھا گیا ہوں
بخت ہوں اور مجھے ڈھونڈنے والے ہیں بہت
حسن ہوں اور حسیناؤں میں دیکھا گیا ہوں
وصل کے تین سو تیرہ میں کہیں ہوں موجود
ہجر کے معرکہ آراؤں میں دیکھا گیا ہوں
لمحہ بھر کو میرے سر پر کوئی بادل آیا
کہنے والوں نے کہا چھاؤں میں دیکھا گیا ہوں
پھر مجھے خود بھی خبر ہو نہ سکی میں ہوں کہاں
آخری بار تیرے گاؤں میں دیکھا گیا ہوں
