Kitni Zulfen Udin Kitne Aanchal Ude Chand Ko Kya Khabar

غزل

کتنی زلفیں اڑیں کتنے آنچل اڑے چاند کو کیا خبر

کتنا ماتم ہوا کتنے آنسو بہے چاند کو کیا خبر

مدتوں اس کی خواہش سے چلتے رہے ہاتھ آتا نہیں

چاہ میں اس کی پیروں میں ہیں آبلے چاند کو کیا خبر

وہ جو نکلا نہیں تو بھٹکتے رہے ہیں مسافر کئی

اور لٹتے رہے ہیں کئی قافلے چاند کو کیا خبر

اس کو دعویٰ بہت میٹھے پن کا وصیؔ چاندنی سے کہو

اس کی کرنوں سے کتنے ہی گھر جل گئے چاند کو کیا خبر

Ghazal

Kitni Zulfen Udin Kitne Aanchal Ude Chand Ko Kya Khabar

Kitna matam hua kitne aansu bahe chand ko kya khabar

Muddaton us ki khwahish se chalte rahe hath aata nahin

Chah mein us ki pairon mein hain aable chand ko kya khabar

Wo jo nikla nahin to bhatakte rahe hain musafir kai

Aur luTte rahe hain kai qafile chand ko kya khabar

Us ko dawa bahut mithe-pan ka ‘wasi’ chandni se kaho

Us ki kirnon se kitne hi ghar jal gae chand ko kya khabar