Jor Se Baaz Aaye Par Baaz Aayen Kia
Kehte hain hum tujh ko mouh dikhlayen kia
Raat din gardish mein hain saat aasman
Ho rahe ga kuch nah kuch ghabrayen kia
Lag ho to uss ko hum samjhen lagao
Jab nah ho kuch bhi to dhooka khayen kia
Ho liye kyun nama bar ke sath sath
Yarab apne khat ko hum pohanchayen kia
Mouj khoon sar se guzar hi kyun na jaye
Astan-e-yaar se uth jayen kia
Umar bhar dekha kaye marne ki raah
Mar gaye par dekhe dikhayen kia
Poochte hain woh keh ghalib kon hai
Koi batlao keh hum batlayen kia
Jor se baaz aaye par baaz aayen kia
Kehte hain hum tujh ko mouh dikhlayen kia
غزل
جور سے باز آئے پر باز آئیں کیا
کہتے ہیں ہم تجھ کو منہ دکھلائیں کیا
رات دن گردش میں ہیں سات آسماں
ہو رہے گا کچھ نہ کچھ گھبرائیں کیا
لاگ ہو تو اُس کو ہم سمجھیں لگاؤ
جب نہ ہو کچھ بھی تو دھوکا کھائیں کیا
ہو لیے کیوں نامہ بر کے ساتھ ساتھ
یارب اپنے خط کو ہم پہنچائیں کیا
موجِ خوں سر سے گزر ہی کیوں نہ جائے
آستانِ یار سے اُٹھ جائیں کیا
عمر بھر دیکھا کیے مرنے کی راہ
مر گیے پر دیکھے دکھلائیں کیا
پوچھتے ہیں وہ کہ غالب کون ہے
کوئی بتلاؤ کہ ہم بتلائیں کیا
جور سے باز آئے پر باز آئیں کیا
کہتے ہیں ہم تجھ کو منہ دکھلائیں کیا
