Hum Ne Rona Kab Seekha Tha Rona Khud Hi Aa Jata Hai
Jab bhi socha ab nahi rona, rona khud hi aa jata hai
Mujh ko khushiyan denay walay ek dojay se yeh kehte hain
Es ko aik khushi per, dekha rona khud hi aa jata hai
Kuch yaadon per ikhlaqan mein rone ki koshish karta hoon
Aur zaida per nahi karta, rona khud hi aa jata hai
Youn to ek konay mein ja kar roz hi rota hoon mein lekin
Jab mein konay mein nahi jata, rona khud hi aa jata hai
Mujh se roth ke hanstay hanstay wo pagli rone lagti thi
Per us zidi ka kehna tha, rona khud hi aa jata hai
Hum ne rona kab seekha tha rona khud hi aa jata hai
Jab bhi socha ab nahi rona, rona khud hi aa jata hai
غزل
ہم نے رونا کب سیکھا تھا رونا خود ہی آ جاتا ہے
جب بھی سوچا اب نہیں رونا، رونا خود ہی آ جاتا ہے
مجھ کو خوشیاں دینے والے اک دوجے سے یہ کہتے ہیں
اِس کو ایک خوشی پر، دیکھا رونا خود ہی آ جاتا ہے
کچھ یادوں پر اخلاقاً میں رونے کی کوشش کرتا ہوں
اور زیادہ پر نہیں کرتا، رونا خود ہی آ جاتا ہے
یوں تو اِک کونے میں جا کر روز ہی روتا ہوں میں لیکن
جب میں کونے میں نہیں جاتا، رونا خود ہی آ جاتا ہے
مجھ سے روٹھ کے ہنستے ہنستے وہ پگلی رونے لگتی تھی
پر اُس ضدّی کا کہنا تھا، رونا خود ہی آ جاتا ہے
ہم نے رونا کب سیکھا تھا رونا خود ہی آ جاتا ہے
جب بھی سوچا اب نہیں رونا، رونا خود ہی آ جاتا ہے
