Apne Sab Yaar Kaam Kar Rahe Hain
Aur hum hain keh naam kar rahe hain
Tegh bazi ka shoq apni jagah
Aap to qatal-e-aam kar rahe hain
Daad-o-tehseen ka yeh shore hai kyun
Hum to khud se kalaam kar rahe hain
Hum hain masroof intizam magar
Janay kia intizam kar rahe hain
Hai woh be chaargi ka haal keh hum
Har kisi ko salam kar rahe hain
Aik qatala chahay hum ko
Hum yeh elaan aam kar rahe hain
Kia bhala saghar sifaal keh hum
Naaf pyalay ko jaam kar rahe hain
Hum tuo aaye thay arz matlab ko
Aur woh ehtram kar rahe hain
Nah uthay aah ka dhuwan bhi keh woh
Koye dil mein haram kar rahe hain
Uss ke honton peh rakh ke hont apne
Baat hi hum tamaam kar rahe hain
Hum ajab hain keh uss ke kochay mein
Be sabab dhoom dhaam kar rahe hain
Apne sab yaar kaam kar rahe hain
Aur hum hain keh naam kar rahe hain
غزل
اپنے سب یار کام کر رہے ہیں
اور ہم ہیں کہ نام کر رہے ہیں
تیغ بازی کا شوق اپنی جگہ
آپ تو قتل عام کر رہے ہیں
داد و تحسین کا یہ شور ہے کیوں
ہم تو خود سے کلام کر رہے ہیں
ہم ہیں مصروف انتظام مگر
جانے کیا انتظام کر رہے ہیں
ہے وہ بے چارگی کا حال کہ ہم
ہر کسی کو سلام کر رہے ہیں
ایک قتالہ چاہیے ہم کو
ہم یہ اعلان عام کر رہےہیں
کیا بھلا ساغر سفال کہ ہم
ناف پیالے کو جام کر رہے ہیں
ہم تو آئے تھے عرض مطلب کو
اور وہ احترام کر رہے ہیں
نہ اُٹھے آہ کا دھواں بھی کہ وہ
کوئے دل میں حرام کر رہے ہیں
اُس کے ہونٹوں پہ رکھ کے ہونٹ اپنے
بات ہی ہم تمام کر رہے ہیں
ہم عجب ہیں کہ اُس کے کوچے میں
بے سبب دھوم دھام کر رہے ہیں
