Agar Yeh Kehh Do Keh Mein Hoon Sb Se Pyari To Mein Tumhari
Yeh zindagi mere bin adhori si hai tumhari to mein tumhari
Tumhari dewangi ke peshay nazer mein tajweez de rahi hoon
Ager akele sambhali jaye na be qarari to mein tumhari
Tum ek bosa deya kro gay hamesha mathay pe atay jatay
Ager uthao yeh char logon mein zimmedari to mein tumhari
Fakth tumhara hi mujh pe haq hai aur ek nahi ek ek haq hai
Jatao saray haqook apne ke ab hoon sari to mein tumhari
Yeh kiya keh bazo pakad ke logon mein khainch letay hoon apni janib
So ab chalai jo mujh peh apni yeh thanadari to mein tumhari
Tumhara hone se mujh ko duniya na rook paye gi dekh lena
Jo mein ne ek bar kehh diya hai keh mein tumhari, to mein tumhari
Tumhari baatain to meri saansein ult pult kar rahi hain jab se
Kaha hai tum ne keh ab amanat hoon mein tumhari, to mein tumhari
Tumhi peh taweez kar rahi hoon, tumhi ko panay ke hain wazifay
Khuda se bhi mein ne kehh diya hai keh ab ki bari to mein tumhari
Agar yeh kehh do keh mein hoon sb se pyari tu mein tumhari
Yeh zindagi mere bin adhori si hai tumhari to mein tumhari
غزل
اگر یہ کہہ دو کہ میں ہوں دنیا میں سب سے پیاری، تو میں تمہاری
یا زندگی میرے بِن ادھوری سی ہے تمہاری، تو میں تمہاری
تمہاری دیوانگی کے پیشِ نظر میں تجویز دے رہی ہوں
اگر اکیلے سنبھالی جائے نہ بے قراری، تو میں تمہاری
تم ایک بوسہ دیا کرو گے ہمیشہ ماتھے پہ آتے جاتے؟
اگر اٹھاؤ یہ چار لوگوں میں ذمہ داری، تو میں تمہاری
فقط تمہارا ہی مجھ پہ حق ہے، اور اِک نہیں، ایک ایک حق ہے
جتاؤ سارے حقوق اپنے کہ اب ہُوں ساری تو میں تمہاری
یہ کیا؟ کہ بازُو پکڑ کے لوگوں میں کھینچ لیتے ہوں اپنی جانب
سو اب چلائی جو مجھ پہ اپنی یہ تھانیداری تو میں تمہاری
تمہارا ہونے سے مجھ کو دنیا نہ روک پائے گی دیکھ لینا
جو میں نے اِک بار کہہ دیا ہے کہ میں تمہاری، تو میں تمہاری
تمہاری باتیں تو میری سانسیں اُلٹ پُلٹ کر رہی ہیں جب سے
کہا ہے تم نے کہ اب امانت ہوں میں تمہاری، تو میں تمہاری
تمہی پہ تعویذ کر رہی ہوں، تمہی کو پانے کے ہیں وظیفے
خدا سے بھی میں نے کہہ دیا ہے کہ اب کی باری تو میں تمہاری
اگر یہ کہہ دو کہ میں ہوں دنیا میں سب سے پیاری، تو میں تمہاری
یا زندگی میرے بِن ادھوری سی ہے تمہاری، تو میں تمہاری
