Aankhon Par Darshan Ki Poori Nemat Karta Hai
Mere saaen hai jo har dam rehmat karta hai
Ishq mein apni rah banana khail nahi hai dost
Koi koi hai jo utni himmat karta hai
Seenay mein dil ho ya phir ho pinjray mein panchi
Jazab mein jitna kam ho utni wehshat karta hai
Hijr mein kon tawazun rakhay wehshat chahat bech
Aur jo rakhay dasht usi ki bait karta hai
Be sudh bolna aisa jaise andhi aankh ka khawab
Batin sudh mein ho to lafaz karamat karta hai
Duniya walay kuch bhi kehh len mujh ko kai parwa
Saien janta hai zaryon mohabbat karta hai
Aankhon par darshan ki poori nemat karta hai
Mere saaen hai jo har dam rehmat karta hai
غزل
آنکھوں پر درشن کی پوری نعمت کرتا ہے
میرا سائیں ہے جو ہر دم رحمت کرتا ہے
عشق میں اپنی راہ بنانا کھیل نہیں ہے دوست
کوئی کوئی ہے جو اُتنی ہمت کرتا ہے
سینے میں دل ہو یا پھر ہو پنجرے میں پنچھی
جذب میں جتنا کم ہو اُتنی وحشت کرتا ہے
ہجر میں کون توازن رکھے وحشت چاہت بیچ
اور جو رکھے دشت اُسی کی بیعت کرتا ہے
بے سدھ بولنا ایسا جیسے اندھی آنکھ کا خواب
باطن سدھ میں ہو تو لفظ کرامت کرتا ہے
دنیا والے کچھ بھی کہہ لیں مجھ کو کیا پرواہ
سائیں جانتا ہے زریون محبت کرتا ہے
آنکھوں پر درشن کی پوری نعمت کرتا ہے
میرا سائیں ہے جو ہر دم رحمت کرتا ہے
