Mausam Se Rang-O-Bu Hain Khafa Dekhte Chalo

Mausam Se Rang-O-Bu Hain Khafa Dekhte Chalo
Yeh kia chali chaman mein hawa dekhte chalo

Ambr har taraf hain aadheron ke yeh durust
Shayad nahi ho aab-e-baqa dekhte chalo

Taskin-e-sumbul-o-gul-o-lala ke wastay
Kia day rahi hai bad-e-saba dekhte chalo

Jitne thay jaan nisar-e-chaman baad-e-subha nau
Kuch ajr bhi kisi ko mila dekhte chalo

Asnam-e-zar ke paon mein daalay howay jabin
Kitnay hain bandgaan-e-ḳhuda dekhte chalo

Kis kis ka aitmad-e-wafa ho gaya shikast
Kis kis ko hassan se hai gila dekhte chalo

Danish ko zid hai dair-o-haram bhi sahi magar
Kis ko mila hai en ka pata dekhte chalo

Mausam se rang-o-bu hain ḳhafa dekhte chalo
Yeh kia chali chaman mein hawa dekhte chalo