Gali Koochon Mein Hangama Bipa Karna Padega

Gali Koochon Mein Hangama Bipa Karna Padega
Jo dil mein hai ab us ka tazakrah karna padega

Natija karbala se mukhtalif ho ya wohi ho
Madinah chorne ka faisla karna padega

Wo kya manzil jahan se rastay aagay nikal jayen
So ab phir ek safar ka silsila karna padega

Lahu denay lagi hai chashm-e-khoon basta so es bar
Bhari aankhon se khawabon ko riha karna padega

Mubaada qissa-e-ahl-e-junun na gufta reh jaye
Naye mazmoon ka lehja naya karna padega

Darakhton par samar aane se pehle aye thay phool
Pholon ke baad kya hoga pata karna padega

Ganwa bhethe teri khafir hum apne mahr-o-mahitab
Bata ab aye zamane aur kya karna padega

Gali koochon mein hangama bipa karna padega
Jo dil mein hai ab us ka tazakrah karna padega