شاعر:وصی شاہ
غزل
دکھ درد کے ماروں سے مرا ذکر نہ کرنا
گھر جاؤ تو یاروں سے مرا ذکر نہ کرنا

وہ ضبط نہ کر پائیں گی آنکھوں کے سمندر
تم راہ گزاروں سے مرا ذکر نہ کرنا

پھولوں کے نشیمن میں رہا ہوں میں سدا سے
دیکھو کبھی خاروں سے مرا ذکر نہ کرنا

شاید یہ اندھیرے ہی مجھے راہ دکھائیں
اب چاند ستاروں سے مرا ذکر نہ کرنا

وہ میری کہانی کو غلط رنگ نہ دے دیں
افسانہ نگاروں سے مرا ذکر نہ کرنا

شاید وہ مرے حال پہ بے ساختہ رو دیں
اس بار بہاروں سے مرا ذکر نہ کرنا

لے جائیں گے گہرائی میں تم کو بھی بہا کر
دریا کے کناروں سے مرا ذکر نہ کرنا

وہ شخص ملے تو اسے ہر بات بتانا
تم صرف اشاروں سے مرا ذکر نہ کرنا

Ghazal
Dukh-dard Ke Maron Se Mera Zikr Na karna
Ghar jao to yaron se mera zikr na karna

Wo zabt na kar paengi aankhon ke samundar
Tum rah-guzaron se mera zikr na karna

ُPhulon ke nasheman mein raha hun main sada se
Dekho kabhi kharon se mera zikr na karna

Shayad ye andhere hi mujhe rah dikhaen
Ab chand sitaron se mera zikr na karna

Wo meri kahani ko ghalat rang na de den
Afsana-nigaron se mera zikr na karna

Shayad wo mere haal pe be-sakhta ro den
Is bar bahaaron se mera zikr na karna

Le jaenge gahrai mein tum ko bhi baha kar
Dariya ke kinaron se mera zikr na karna

Wo shakhs mile to use har baat batana
Tum sirf ishaaron se mera zikr na karna

Dukh-dard Ke Maron Se Mera Zikr Na karna
Ghar jao to yaron se mera zikr na karna
Share this with your friends