Dekhe Howay Kisi Ko Bohat Din Guzar Gaye
Iss dil ki be basi ko bohat din guzar gaye

Har shab chatoon peh chand utarta tu hai magar
Iss ghar mein chandni ko bohat din guzar gaye

Koi jawaz dhoond gham na shanas ka
Be waja bikali ko bohat din guzar gaye

Ab tak akele pan ka musalsal azaab hai
Duniya se dosti ko bohat din guzar gaye

Teri rafaqatein to muqaddar mein hi nah theen
Ab apni hi kami ko bohat din guzar gaye

Muddat hoyi hai toott ke roya nahi hoon mein
Iss chain ki ghari ko bohat din guzar gaye

Woh jagti haweli bhi weeran ho gai
Iss nafrai hansi ko bohat din guzar gaye

Woh qehqhe bhi waqt ke sahra mein khoo gaye
Galyon ki khamoshi ko bohat din guzar gaye

Muddat hoi keh raat ka woh jagna gaya
Iss rang aashiqui ko bohat din guzar gaye

Jo aitibaar zakhm hunar ne ataa kiya
Danish woh shayari ko bohat din guzar gaye

Dekhe howay kisi ko bohat din guzar gaye
Iss dil ki be basi ko bohat din guzar gaye