Chaman Mein Rang-E-Bahar Utra Tou Mein

Chaman Mein Rang-E-Bahar Utra Tou Mein

Chaman Mein Rang-E-Bahar Utra Tou Mein Ne Dekha
Nazar se dill ka ghobar utra tou mein ne dekha

Mein neem shab assman ki wosat ko dekhta tha
Zamee pe wo hassan zara utra tou mein ne dekah

Gali ke bahar tamam manzar badal gaye thay
Jo saya koaye yaar utra you mein ne dekah

Khamar may mein wo chehra kuch aur lag raha tha
Dam saher jab khamar utra tou tou mein dekha

Aik aur daryaa ka samna tha munir mujhe ko
Mein aik daryaa ke paar utra tou mein ne dekha

Chaman mein rang-e-bahar utra tou mein ne dekha
Nazar se dill ka ghobar utra tou mein ne dekha
غزل
چمن میں رنگ بہار اترا تو میں نے دیکھا
نظر سے دل کا غبار اترا تو میں نے دیکھا

میں نیم شب آسماں کی وسعت کو دیکھتا تھا
زمیں پہ وہ حسن زار اترا تو میں نے دیکھا

گلی کے باہر تمام منظر بدل گئے تھے
جو سایۂ کوئے یار اترا تو میں نے دیکھا

خمار مے میں وہ چہرہ کچھ اور لگ رہا تھا
دم سحر جب خمار اترا تو میں نے دیکھا

اک اور دریا کا سامنا تھا منیرؔ مجھ کو
میں ایک دریا کے پار اترا تو میں نے دیکھا

چمن میں رنگ بہار اترا تو میں نے دیکھا
نظر سے دل کا غبار اترا تو میں نے دیکھا

اپنا تبصرہ بھیجیں