شاعر: جون ایلیا

بے دلی کیا یوں ہی دن گزر جائیں گے
صرف زندہ رہے ہم تو مر جائیں گے

رقص ہے رنگ پر رنگ ہم رقص ہیں
سب بچھڑ جائیں گے سب بکھر جائیں گے

یہ خراباتیان خرد باختہ
صبح ہوتے ہی سب کام پر جائیں گے

کتنی دل کش ہو تم کتنا دلجو ہوں میں
کیا ستم ہے کہ ہم لوگ مر جائیں گے

ہے غنیمت کہ اسرار ہستی سے ہم
بے خبر آئے ہیں بے خبر جائیں گے

be-dili kya yunhi din guzar jaenge

sirf zinda rahe hum to mar jaenge

raqs hai rang par rang ham-raqs hain

sab bichhad jaenge sab bikhar jaenge

ye kharabaatiyan-e-khirad-bakhta

subh hote hi sab kaam par jaenge

kitni dilkash ho tum kitna dil-ju hun main

kya sitam hai ki hum log mar jaenge

hai ghanimat ki asrar-e-hasti se hum

be-khabar aae hain be-khabar jaenge